Nei, Herbalife hefur ekki í för með sér hættur fyrir heilsuna. Áður en vara kemst á hilluna hefur hún farið gegnum ströng ferli til að tryggja að hún sé örugg til neyslu. Eftirlitsferlin ráðast af lögum og reglugerðum í ESB og hverju landi fyrir sig og jafnframt af viðmiðunarreglum innan fyrirtækisins. Hliðsjón af öllum þessum reglum hefst þegar vara er á hugmyndastigi og helst allt þar til henni hefur verið pakkað til neyslu. Herbalife fylgir 14 skrefa gæðatryggingarhandbók til þess að gæta þess að neysluvörur okkar séu af hæstu gæðum.  

Á þeim yfir 90 mörkuðum þar sem við störfum höfum við á að skipa áhugasömum gæðatryggingarteymum. Þessi teymi gæta þess að nýjar eða núverandi vörur frá Herbalife samræmist öllum lögum og reglum um matvæli frá yfirvöldum á hverjum stað.  

Varðandi vöruúrval Herbalife gætir þú tekið eftir því að sumar vörur eða bragðtegundir eru aðeins í boði í Evrópu og Afríku en aðrar vörur og bragðtegundir gætu aðeins fengist í Bandaríkjunum. Þetta stafar af því að við reynum að fylgja ríkjandi smekk fyrir bragði og innihaldsefnum á mismunandi mörkuðum en einnig af því að við hlítum ávallt lögum og reglum á hverjum stað. 

Hvernig tryggir Herbalife að vörum fyrirtækisins fylgi engar hættur fyrir heilsuna? 

Herbalife hefur tekið þátt í mörgum rannsóknum og klínískum prófunum til að tryggja að vörur fyrirtækisins séu fullkomlega öruggar.  

Í rannsókn, sem var framkvæmd árið 2010 af Li Z, et al og vísað er til á PubMed á vegum NIH (Bandarísku heilbrigðisstofnunarinnar - National Institutes of Health), var niðurstaðan sú að próteinbættar máltíðarvörur hafi ekki í för með sér neinar aukaverkanir fyrir heilsuna. Bæði mataræði sem var einstaklega próteinríkt og mataræði með hefðbundnu magni af próteini þoldist vel og var sjálfbært. Engra breytinga varð vart á lifrarstarfsemi, nýrnastarfsemi eða steinefnaþéttni beina samkvæmt mati með hefðbundnum klínískum aðferðum.   

Þessi rannsókn sýndi að bæði próteinbætt mataræði með miklu próteininnihaldi og mataræði með hefðbundnu próteinmagni hafði í för með sér það þyngdartap sem búast mátti við og er dæmigert þegar einstaklingar nota máltíðarvörur í stað hefðbundinna máltíða á 12 mánaða tímabili.  

Herbalife fylgir kröfuhörðustu stöðlum í næringariðnaðinum fyrir allar vörur sínar. Yfir 300 vísindamenn, læknar og sérfræðingar í næringarmálum, vísindum og heilsu eru óþreytandi við að tryggja að gæði séu ávallt í forgrunni hjá okkur.  NSF-ISR, sem er hluti af lýðheilsu- og öryggisstofnuninni NSF, hefur einnig vottað að allar framleiðslumiðstöðvar okkar samræmist ISO-45001 staðlinum um heilbrigði og öryggi á vinnustað.  

Herbalife er öruggt fyrir heilsuna. Við erum þeirrar skoðunar að þekking sé eingöngu öflug ef henni er deilt. Ætlunarverk okkar er að bæta næringarvenjur í heiminum með ljúffengum næringarvörum sem grundvallast á vísindum og eru notaðar sem hluti af vel samsettu og fjölbreyttu mataræði og heilnæmum og virkum lífsstíl. Við hjálpum til við að tryggja þér næringu sem er heilnæm og með einmitt rétta jafnvæginu af þeim efnum sem þú þarft.