Прескокнете го донесувањето одлуки за цела година: Пробајте да менувате навики во начинот на исхрана секој месец за да бидете постојано здрави

Долгиот список со новогодишни одлуки може да ви дојде премногу, но ако менувате по неколку работи секој месец, ќе ви биде полесно да се придржувате до вашите цели. Настојувајте да менувате по три мали навики во начинот на исхрана секој месец и до крајот на годината ќе стекнете здрави, долготрајни навики.

Доаѓа 1 јануари и голем дел од нас имаат инспирација да почнат одново и да прават поздрави избори. Меѓутоа, многу лесно може да донесеме ригорозни новогодишни одлуки за начинот на исхрана и за неколку недели да ја изгубиме мотивацијата. Новата година често асоцира на ветување и надеж. Ќе си ветиме да јадеме правилно и да бидеме во форма и се надеваме дека ќе се придржуваме до нашите одлуки. 

Но за жал, многу е тешко да смениме повеќе работи одеднаш. Наместо тоа, што ако се фокусираме на постепени, одржливи промени за да изградиме урамнотежен начин на живот? Оваа година, наместо да си поставиме цели со кои сметаме дека брзо ќе се смениме, да правиме мали промени што може да ги постигнеме и да се придржуваме до нив цела година.

Еве ви еден предлог. Направете си список со работи што сакате да ги направите, но не планирајте ги сите промени одеднаш. Всушност, ви предлагам да смените три мали навики во јануари, па уште три во февруари, уште три во март и така до крајот на годината. Еве и зошто. Ако се фокусирате само на три нови навики во еден месец, помала е веројатноста да ви дојде премногу од тоа да треба да се фокусирате на премногу работи одеднаш.

До крајот на месецот, трите нови навики ќе ви бидат дел од рутината и ќе бидете подготвени да направите уште три промени следниот месец.

Ако се фокусирате на мали промени секој месец, поверојатно е дека ќе имате напредок во текот на целата година. Да претпоставиме дека во јануари ќе почнете со три навики со кои ќе го намалите калорискиот внес за 100 калории на ден. До петтиот месец, ќе имате направено 15 мали промени со кои може да го намалите калорискиот внес за 500 калории на ден. Размислете каква разлика може ова да направи за вашата добросостојба до крајот на годината.

Прашајте се какви мали подобрувања сакате да направите на почетокот:

• Дали сакате да додадете повеќе овошје и зеленчук во оброците?
• Да ја намалите количината шеќер?
• Да внимавате на големината на порциите или на тоа што јадете?
• Да внесувате високопротеински оброци и ужини?

Изберете три мали, значајни постапки секој месец и вклопете ги во рутината пред да почнете со нови.

Да речеме дека сакате да ја намалите количината шеќер што ја внесувате. Во јануари, може да почнете со овие промени:

• За десерт ќе јадам овошје наместо колачиња
• Ќе го намалам внесот на газирани напитоци на половина
• Ќе јадам обично кисело млеко наместо засладено

Можеби имате цел да ја намалите мрсната храна. Во тој случај, направете ги овие мали промени:

• Наместо помфрит со ручекот ќе јадам салата
• Ужините со многу калории ќе ги заменам со хранливи ужини богати со протеин
• Кафето ќе си го приготвувам со обезмастено млеко наместо со полномасно млеко

Ако сакате да внимавате на големината на порциите, размислете за следниве одлуки:

• Ќе користам помали чинии кога јадам дома за да ја контролирам големината на порциите
• Кога ќе јадам надвор, ќе го замолам келнерот да ми спакува половина од оброкот за носење и да ми го послужи остатокот
• Неколкупати неделно ќе ги мерам порциите за да проверам дали се држам до планот

Секоја промена има свој придонес и со текот на времето, овие навики ќе ви бидат сѐ полесни и поприродни.

Нормално е да сте под притисок поради новогодишните одлуки, но запомнете: здравиот начин на живот не важи само во јануари. Наместо ова да го гледате како можност за брзо менување, прифатете го како почеток на патувањето кон поздрава верзија од самите себе. Фокусирајте се на навики што ви даваат добро чувство и тие нека ви станат дел од животот на долгорочен план, а не само за неколку недели. Со мали, континуирани постапки ќе изградите поздрави темели, а тоа ги прави и вашите цели пореалистични и помоќни.

Дали сте подготвени да стекнете навики за здрава исхрана оваа година? Придружете ѝ се на нашата заедница на Instagram и споделете го својот напредок! Означете го профилот на @Herbalife или споделете објава со хаштаг #LiveYourBestLife

Сузан Бауерман е постар директор за Глобална едукација и обука за исхрана во Herbalife. Таа е и претседавач на Советодавниот одбор за диететика и на Советодавниот одбор за исхрана однадвор во Herbalife. Како регистриран диететичар, г-а Бауерман ги едуцира Herbalife независните Дистрибутери за нашата глобална филозофија за исхрана и е одговорна за развој на материјали за едукација и обука за исхрана.