Лесни совети како да си го подобрите здравјето и да ви биде приоритет оваа година

По празниците, многу луѓе ја почнуваат новата година со строги диети или со големи фитнес цели, што често водат до исцрпеност. Наместо тоа, поставете си остварливи цели така што ќе направите мали, разумни промени, на пр. приготвувајте си домашни оброци богати со протеин и стекнете навики за редовно вежбање. Фокусирајте се на одржливи промени во однесувањето за долгорочно одржување на тежината и на здравјето.

Како и многу други луѓе, можеби и вие ја почнавте новата година со нешто што не сте го имале претходно – неколку вишок килограми. Ако се обидувате да влезете во фармерките што ви се премногу тесни, треба да го прифатите фактот дека е време да се вратите во форма по целото празнично опуштање. 

Многу луѓе почнуваат програми за начин на исхрана и вежбање во текот на новата година; меѓутоа, голем дел од нив премногу се форсираат и почнуваат строги диети или планови за интензивно вежбање до кои не можат да се придржуваат и често водат до исцрпеност.

Наместо драстични промени, новата година нека ви биде време за размислување. Анализирајте си го тековниот начин на исхрана и навики за вежбање и обврзете се на промени до кои знаете дека може да се придржувате. Ако си поставите разумни цели што може да ги постигнете, тоа ќе ви помогне да направите трајни промени во начинот на живот и успешно да си ја регулирате тежината на долгорочен план.

Дајте им приоритет на промените што сакате да ги направите и почнете со полесните:

• Научете како да ги пресметате дневните потреби за протеин. Протеинот ви помага да се чувствувате сито подолго време така што го намалува гладот и зголемениот апетит.
• Ако сте некој што не сака да појадува, ветете си дека ќе го почнете денот со здрав оброк богат со протеин што ќе ве држи сити ​​до ручек. 
• Пробајте урда или кисело млеко со овошје или вкусно протеинско смути – брзи и лесни опции за оние кои немаат навика да си приготвуваат појадок.
• Ако обично јадете во брзање, почнете да си носите ручек неколку дена во неделата или приготвувајте си домашни оброци еднаш или двапати неделно. Истражувањата покажуваат дека бројот на калории наведен на амбалажата на производите и на оброци во рестораните може да не е целосно точен, па ако сами си ги приготвувате оброците, ќе имате поголема контрола врз калорискиот внес и врз големината на порциите, а ќе заштедите и пари.

Ако стекнете редовни навики за исхрана и ако следите неколку едноставни правила, тоа може значително да ви го подобри начинот на исхрана и да ви помогне да ја намалите тежината. Додајте протеин во секој оброк и ужина зашто протеинот се бори против гладот и повеќе ве заситува од јаглехидрати или масти. 

Ако јадевте големи порции во текот на празниците, време е да ја контролирате големината на порциите. Мали, но чести оброци и ужини на неколку часа може да го стабилизираат нивото на шеќер во крвта и да го намалат апетитот.

Во чинијата ставете си повеќе зеленчук и овошје, зашто содржат мал број калории, а многу вода и растителни влакна, па затоа ве држат сити без многу да го зголемат калорискиот внес. Ограничете си го внесот на калорични масти и благо и така уште повеќе ќе го држите гладот под контрола. И не заборавајте да ја одржувате хидрацијата со течности што не содржат калории, како вода или чај.

Докажани стратегии може да направат голема разлика во држење на гладот под контрола. Следете дневен план на оброци за да ви биде практично да го следите протеинскиот и калорискиот внес.

Секогаш ни е тешко да најдеме време за вежбање, но тоа е клучно за регулирање на тежината. Размислете што повеќе ви одговара - дали повеќе сакате да пешачите сами или да вежбате во група? Дали сакате да планинарите или да вежбате на отворено? Дали би вежбале наутро или подоцна во текот на денот? 

Поставете си цел што може да ја мерите и што знаете дека може да ја постигнете – наместо „ќе вежбам повеќе“, речете си „ќе одам на брзо пешачење од по 30 минути трипати во неделата“. Или определете си по колку сакате да пешачите секој ден и мерете со педометар. Ќе ви биде мотивирачки да следите до минута колку сте блиску до постигнување на дневната цел.

Новогодишните одлуки се одлични ако може да се придржувате до нив. За да се ослободите од вишокот килограми, фокусирајте се повеќе на промените во однесувањето што сте решени да ги направите, а помалку на она што ви го покажува вагата. Зашто кога старите навики ќе ги замените со нови здрави навики, ќе ја регулирате и тежината. Ако во текот на целата година ги практикувате новите навики, кога ќе дојде следната година, лесно ќе ги облечете тесните фармерки.

Дали сте подготвени да си го подобрите здравјето по празниците? Придружете ѝ се на нашата заедница на Instagram и споделете го својот напредок! Означете го профилот на @Herbalife или споделете објава со хаштаг #LiveYourBestLife

Сузан Бауерман е постар директор за Глобална едукација и обука за исхрана во Herbalife. Таа е и претседавач на Советодавниот одбор за диететика и на Советодавниот одбор за исхрана однадвор во Herbalife. Како регистриран диететичар, г-а Бауерман ги едуцира Herbalife независните Дистрибутери за нашата глобална филозофија за исхрана и е одговорна за развој на материјали за едукација и обука за исхрана.